வெளிநாட்டு விவகாரங்களுக்கான ஈரான் ராணுவ தளபதி காசிம் சுலைமானி கடந்த ஆண்டு கொலை செய்யப்பட்டதற்காக, அமெரிக்க முன்னாள் அதிபர் டிரம்ப் பழிவாங்கப்படுவார் என்று ஈரான் தலைவர் மிரட்டல் விடுத்ததை அடுத்து அவரது டுவிட்டர் கணக்கு முடக்கப்பட்டது.
ஈரான் தலைவர் காமேனி அலுவலகம் புகைப்படத்துடன் வெளியிட்ட டுவிட்டர் பதிவில், டிரம்ப் மைதானத்தில் கோல்ப் விளையாடுவது போன்றும், அருகே போர் விமானத்தின் நிழல் இருப்பது போன்றும் வடிவமைக்கப்பட்டு இருந்தது.
சுலைமானியை கொலை செய்தவர் மற்றும், அதற்கு உத்தரவிட்டவர் எந்த நேரத்திலும் பழிவாங்கப்படுவார்கள் என்றும், பழிவாங்கப்படுவது தவிர்க்க முடியாதது என்றும் எச்சரிக்கப்பட்டு இருந்தது. இந்த நிலையில் அந்த புகைப்படத்தை நீக்கிய டுவிட்டர் நிர்வாகம் அவரது கணக்கையும் முடக்கி உள்ளது.