ஜெர்மனியில் சிகிச்சை பெற்ற பின் நாடு திரும்பிய ரஷ்ய எதிர்கட்சி தலைவர் அலெக்சீ நாவல்னி விமான நிலையத்திலேயே கைது

விஷம் கொடுத்து கொலை செய்ய முயற்சிக்கப்பட்ட ரஷ்ய எதிர்கட்சி தலைவர் அலெக்சீ நாவல்னியை மாஸ்கோ விமான நிலையத்திலேயே காவல்துறையினர் கைது செய்தனர்.

ரஷ்யாவில் புடின் அரசைக் கடுமையாக விமர்சித்த அலெக்சீ நாவல்னி 5 மாதங்களுக்கு முன் விமானத்தில் சென்றபோது மயக்கமடைந்தார்.

அவர் அருந்திய தேநீரில் நஞ்சு கலந்திருந்ததாகக் குற்றஞ்சாட்டப்பட்டது. இதையடுத்து அவரை ஜெர்மனிக்குக் கொண்டு சென்று பெர்லின் மருத்துவமனையில் சிகிச்சை அளிக்கப்பட்டது.

உடல்நலம் தேறிய அவர் 5 மாதங்களுக்குப் பின் நேற்று பெர்லினில் இருந்து விமானத்தில் மாஸ்கோவுக்கு வந்தார். விமான நிலையத்திலேயே காவலர்கள் 4 பேர் அவரை விசாரணைக்காக அழைத்துச் சென்றனர்.