நெருப்புக் குழம்பை உமிழத் தொடங்கியது இத்தாலியில் உள்ள மவுண்ட் எட்னா எரிமலை

இத்தாலியில் உள்ள மவுண்ட் எட்னா எரிமலை நெருப்புக் குழம்பை உமிழ்ந்து வருவதால் மக்கள் எச்சரிக்கையுடன் இருக்குமாறு கேட்டுக் கொள்ளப்பட்டுள்ளனர்.

கடந்த சில வாரங்களாக உயிர்ப்புடன் இருந்த இந்த எரிமலை நேற்று அதிக சீற்றத்துடன் காணப்பட்டது.

விசிறியடிக்கப்பட்ட சாம்பல் பல நூறு அடி உயரத்திற்கு எழும்பின. தொடர்ந்து நெருப்புக் குழம்பையும் எட்னா எரிமலை வெளியேற்றியது.

எரிமலையில் இருந்து வெளியேறிய சாம்பல் அருகில் உள்ள பெடாரா, ரெமிஸ்ட்ரியரி உள்ளிட்ட பகுதிகளில் படர்ந்துள்ளதால் மக்கள் அவதிக்குள்ளாயினர். மேலும் அப்பகுதியில் ரிக்டர் அளவு கோலில் 2 புள்ளி 7 என்ற அளவிற்கு நில அதிர்வு ஏற்பட்டுள்ளது.