முகக்கவசம், பிபிஇ எனப்படும் உடல் கவச ஆடை ஆகியவற்றில் தெளித்தால் 48 மணி நேரம் கொரோனா வைரசில் இருந்து பாதுகாப்பு அளிக்கும் ஸ்பிரே ஒன்றை பிரேசில் விஞ்ஞானிகள் உருவாக்கி உள்ளனர்.
உலோக அயனிகள் மற்றும் இயற்கை பாலிமர்களை சேர்த்து தயாரிக்கப்பட்டுள்ள இந்த ஸ்பிரேக்கு ஸ்பிரேகோவ் என பெயரிடப்பட்டுள்ளது. இந்த ஸ்பிரேயை அடித்த ஒரு நிமிடத்தில் அது கொரோனா வைரசை அழிப்பதுடன் அடுத்த 48 மணி நேரத்திற்கு அந்த தொற்று பரவாமல் தடுக்கும் என தெரிவிக்கப்பட்டுள்ளது.
பருத்தியால் ஆன முக கவசங்களிலும் இதை தெளிக்கலாம். எனவே சாதாரணமாக பொதுமக்கள் பயன்படுத்தும் முகக்கவசங்களிலும் இந்த ஸ்பிரேயை அடித்து தொற்று பரவாமல் தடுக்கலாம் என்பது கூடுதல் சிறப்பம்சமாகும்.