லண்டனின் கோல்ட் ஸ்மித் பல்கலைக்கழக வளாகத்தில் கொட்டப்பட்ட 29 டன் எடையிலான கேரட்டுகள் இணையதளத்தில் சிறப்பு கவனத்தை பெற்றன.
கேரட் குவியலின் புகைப்படங்கள், வீடியோக்கள் இணையத்தில் வைரலாகிய நிலையில், மாணவர் ஒருவரின் கலைப்படைப்புக்காக கேரட் குவிக்கப்பட்டதாக பல்கலைக்கழகம் விளக்கம் அளித்துள்ளது.
உரிய விலை கிடைக்காத விளைபொருட்களை சாலையில் கொட்டி விவசாயிகள் எதிர்ப்பு தெரிவிப்பதை பிரதிபலிக்க இந்த முயற்சி மேற்கொண்டதாக தெரிவித்த மாணவன் எவன்ஸ், கொட்டப்பட்ட கேரட்டுகளை சேகரித்து வீணாக்காமல் விலங்குகளுக்கு உணவளிக்க ஏற்பாடு செய்துள்ளதாக கூறினார்.