ஒபாமா மற்றும் அவரது மனைவி பயன்படுத்திய ஆடைகள் ஏலம்

அமெரிக்க முன்னாள் அதிபர் ஒபாமா மற்றும் அவர் மனைவி மிச்செல் ஆகியோர் பயன்படுத்திய ஆடைகள் ஏலத்திற்கு விடப்படுகின்றன.

பாரக் ஒபாமா கடந்த 1979ம் ஆண்டு நடந்த கூடைப்பந்து போட்டியின் போது அணிந்திருந்த ஜெர்சி மற்றும் புனாஹா பள்ளி ஆண்டுவிழாவின் போது எடுக்கப்பட்ட புகைப்படம் அடங்கிய புத்தகம் ஏலத்திற்கு விடப்படுகிறது.

மேலும் அவர் பயன்படுத்திய சில துண்டுகளும் ஏலம் விடப்படும் என ஜூலியான் ஏல நிறுவனம் தெரிவித்துள்ளது. இதேபோல் ஒபாமாவின் மனைவி மிச்செல் ஒபாமா வெள்ளை மாளிகையில் அணிந்திருந்த கருப்புநிற ஆடையும் ஏலத்திற்கு வந்துள்ளது.

இந்தப் பொருட்கள் சராசரியாக 50 ஆயிரம் முதல் 70 ஆயிரம் டாலர்களுக்கு ஏலம் போகும் என எதிர்பார்க்கப்படுகிறது.