அமெரிக்காவில் மருத்துவர்கள், சுகாதாரத்துறை ஊழியர்களை கவுரவிக்க விமான சாகசம்

அமெரிக்காவில் கொரோனாவுக்கு எதிராக முன்னின்று பணியாற்றி வரும் ஊழியர்களை கவுரவிக்கும் விதமாக விமான சாகசங்கள் நடைபெற்றது.

நோய் தொற்றால் புதிதாக பாதிக்கப்பட்டவர்களின் எண்ணிக்கை குறைந்து வருவதால் டெக்சாஸ், ஜார்ஜியா உள்ளிட்ட மாநிலங்களில் ஊரடங்கில் தளர்வு அளிக்கப்பட்டு வரும் நிலையில், கலிபோர்னியா, நியூயார்க் மாநிலங்களில் நோயின் தாக்கத்தை கருத்தில் கொண்டு கட்டுப்பாடுகள் தீவிரப்படுத்தப்பட்டுள்ளது.

இந்த நிலையில் கொரோனா தொற்றுக்கு எதிராக கடுமையாக பணியாற்றி வரும் மருத்துவர்கள், சுகாதார ஊழியர்கள் உள்ளிட்டோரை கவுரவிக்கும் பொருட்டு, பால்டிமோர், அட்லாண்டா மற்றும் புளோரிடாவில் விமான சாகசங்கள் நிகழ்த்தப்பட்டன.