கொரோனா தொற்றுக்கு அதிபரின் உதவியாளர் உயிரிழப்பு

ஆப்பிரிக்க நாடான நைஜீரியாவில் கொரோனா வைரஸ் தொற்றுக்கு அந்நாட்டு அதிபர் முகமது புஹாரியின் தலைமை உதவியாளர் அபா கியாரி என்பவர் உயிரிழந்தார்.

இதுகுறித்து அதிபர் அலுவலகம் வெளியிட்டுள்ள அறிக்கையில், கியாரி மருத்துவமனையில் சிகிச்சைப் பெற்று வந்ததாகவும் சிகிச்சைப் பலனின்றி அவர் வெள்ளிக்கிழமை உயிரிழந்ததாகவும் குறிப்பிடப்பட்டுள்ளது.

நைஜீரியாவில் அதிபர் புஹாரிக்கு அபா கியாரி வலதுகரமாக செயல்பட்டு வந்ததாகக் கூறப்படுகிறது. அவரையும் சேர்த்து, நைஜீரியாவில் கொரோனாவுக்கு இதுவரை 19 பேர் பலியாகியுள்ளனர்; 542 பேர் பாதிக்கப்பட்டுள்ளனர்.