பாகிஸ்தானின் அரசு கண்காணிப்பில் வெளியாகும் டான்(dawn) செய்தி சேனலில் இங்கிலாந்து பிரதமர் போரிஸ் ஜான்சன் உடல்நிலை குறித்த தவறான செய்தி வெளியானது.
பிபிசியின் போலி டிவிட்டர் கணக்கின் மூலம் தவறாக கிடைத்த தகவலின் அடிப்படையில் இந்த செய்தியை அந்த சேனல் ஒளிபரப்பியதாக ஊடக கண்காணிப்பு அமைப்புகள் தெரிவித்துள்ளன.
கொரோனா வைரஸ் பாதிப்பால் இங்கிலாந்து பிரதமர் போரிஸ் ஜான்சன் லண்டனில் உள்ள மருத்துவமனையில் ஐசியு அறையில் சிகிச்சை பெற்று வருகிறார். அவருக்கு மிகவும் உயர்தரமான சிகிச்சையளிக்கப்படுவதாகவும் மிகவும் பாதுகாப்பான மருத்துவர்களின் கரங்களில் அவர் இருப்பதாகவும் பிரிட்டன் அரசு தெரிவித்துள்ளது.