இங்கிலாந்து இளவரசர் சார்லசுக்கு கொரோனா பாதிப்பு ஏற்பட்டு அவர் குணமடைந்தார்.
இதற்கு மகிழ்ச்சி தெரிவித்த பிரதமர் மோடி இளவரசருக்கு தொலைபேசி மூலம் வாழ்த்துக்கூறி நலம் விசாரித்தார்.
அப்போது இங்கிலாந்து மருத்துவமனைகளில் மிகச்சிறந்த சேவைகளை புரிந்து வரும் இந்தியர்கள் குறித்து இளவரசர் சார்லஸ் தமது பாராட்டுகளை தெரிவித்துக் கொண்டார்.
இரு தலைவர்களும் கொரோனாவை தடுப்பது குறித்து ஆலோசனை நடத்தினர். இங்கிலாந்தில் கடந்த சில நாட்களில் உயிரிழந்தோரின் எண்ணிக்கை கணிசமான அளவு உயர்ந்த நிலையில் பிரதமர் மோடி தமது இரங்கலைத் தெரிவித்தார்.
இந்தியாவில் சிக்கியுள்ள பிரிட்டன் மக்களை திருப்பி அனுப்ப மத்திய அரசு மேற்கொண்டு வரும் நடவடிக்கைகளுக்கு இளவரசர் சார்லஸ் நன்றி தெரிவித்துள்ளார்.