நிமிடத்திற்கு நிமிடம் எகிறும் உயிரிழப்பு: அச்சத்தில் அமெரிக்க மக்கள்

கொரோனாவின் கொடூர பாதிப்பு நாளுக்கு நாள் அதிகரித்து வருவதால், முன் எப்போதும் இல்லாத அளவிற்கு அமெரிக்க மக்கள், பெரும் அச்சத்தில் உறைந்துள்ளனர்.

அந்நாட்டில் கடந்த 72 மணி நேரத்தில் மட்டும் ஆயிரத்து 900 பேர் உயிரிழந்துள்ளனர்.

2 லட்சத்து 15 ஆயிரத்து 357 பேர், கொரோனாவால் பாதிக்கப்பட்டு, சிகிச்சை பெற்று வருகிறார்கள்.

உலக நாடுகளிலேயே, கொரோனா பாதிப்பில், அமெரிக்கா முதலிடம் வகிக்கிறது.

அமெரிக்காவில் மட்டும் பலியானோர் எண்ணிக்கை 5 ஆயிரத்து 113 ஆக உயர்ந்துள்ளது. 

குறிப்பாக நியூயார்க் நகரம் கொரோனாவால் அதிகம் பாதிக்கப்பட்ட பகுதி என அறிவித்துள்ளதால், அந்நகரின் சாலைகள் எல்லாம் வெறிச்சோடி காணப்படுகின்றன.

இதனிடையே, இன்னும் ஒரு வாரத்தில் கொரோனாவுக்கு மேலும் 50 ஆயிரம் பேர் உயிரிழப்பார்கள் என்றும்,ஒரு லட்சத்திற்கும் மேற்பட்டோர் பாதிக்கப்படுவார்கள் என்றும் உலக சுகாதார நிறுவனம் எச்சரித்துள்ளது.