மருத்துவமனையில் இருந்து தப்பியோடிய கொரோனா பாதித்த பெண்ணை துரத்தி பிடித்த போலீஸார்

சிலி நாட்டில் மருத்துவமனையில் இருந்து தப்பியோடிய கொரோனா பாதித்த பெண்ணை போலீஸார் துரத்தி பிடிக்கும் வீடியோ வெளியாகியுள்ளது.

சான்டியாகோ (Santiago) அருகேவுள்ள கான்செப்சியான் (Concepción) எனுமிடத்தில் உள்ள மருத்துவமனையில் 26 வயது பெண் கடந்த செவ்வாய்க்கிழமை அனுமதிக்கப்பட்டிருந்தார்.

மருத்துவமனையில் சிகிச்சை அளிக்கப்பட்ட நிலையில் அவர் அங்கிருந்து தப்பியோடினார். இதுகுறித்த தகவலின்பேரில் போலீஸார் விரைந்து வந்து, அவரை தடுத்தனர்.

ஆனால் அந்த பெண் போலீஸாரின் கைகளில் சிக்காமல் தப்பியோடினார். இதையடுத்து அவரை போலீஸார் துரத்தி பிடித்து மருத்துவமனையில் கொண்டு சென்று சேர்த்தனர்.