கார் மோதி உடைந்த உலக புகழ்பெற்ற சிலை

சிலி நாட்டின் ஈஸ்டர் தீவில் இருக்கும் உலகப் புகழ்பெற்ற மோவாய் சிலைகளில் ஒன்று ((moai' statues))  கார் மோதி உடைந்தது அதிர்ச்சியை ஏற்படுத்தியுள்ளது. 

மனித முகம் போல தோற்றத்துடன் ஒரே மாதிரியான ஏராளமான கற்சிலைகள் அத்தீவில் உள்ளன. அந்த சிலைகளில் ஒன்று,  கடந்த 1ம் தேதியன்று கார் மோதி சுக்கு நூறாக உடைந்தது.

மலை பகுதியில் நிறுத்தப்பட்டிருந்த கார் ஒன்று திடீரென பிடிப்பு விலகி, கீழ்நோக்கி வந்து சிலை மீது மோதியதில் அது உடைந்துள்ளது. இதுகுறித்த புகைப்படங்கள் சமூகவலைதளங்களில் வெளியாகவே, அதை கண்டு இயற்கை ஆர்வலர்களும், சுற்றுலா பயணிகளும் அதிர்ச்சி அடைந்துள்ளனர்.