பாகுபலி படத்தில் வரும் காட்சியில் தனது முகத்தை மார்பிங் செய்து பதிவிடப்பட்ட வீடியோவை அமெரிக்க அதிபர் டொனால்டு ரிட்வீட் செய்துள்ளார்.
ட்ரம்ப் இந்தியா வருவதை ஒட்டி, சோல் மீம்ஸ் எனும் ட்விட்டர் பக்கத்தில் வீடியோ ஒன்று பதிவிடப்பட்டிருந்தது. அதில் பாகுபலி படத்தில் வரும் காட்சியில், பிரபாசின் முகத்திற்கு பதிலாக ட்ரம்பின் முகம் மார்பிங் செய்யப்பட்டிருந்தது. மேலும் அவரது மனைவி மெலானியா, மகள் இவாங்கா போன்றோரின் முகங்களும் ஆங்காங்கே மார்பிங் செய்யப்பட்டு பதிவிடப்பட்டிருந்தது.
இந்த வீடியோ வைரலான நிலையில், ட்ரம்பின் கவனத்துக்கும் சென்றுள்ளது. அதனை ரீட்வீட் செய்து தனது ட்விட்டர் பக்கத்தில் பகிர்ந்துள்ள ட்ரம்ப், இந்தியாவில் தனது சிறந்த நண்பர்களுடன் நேரம் செலவிடுவதை எதிர்நோக்கி காத்திருப்பதாக பதிவிட்டுள்ளார்.