சிங்கப்பூரில் நடைபெற்று வரும் விமான பாதுகாப்பு கண்காட்சியில் இடம்பெற்ற சீன விமானப்படை விமானங்களின் சாகச நிகழ்ச்சியை ஏராளமான பார்வையாளர்கள் கண்டுகளித்தனர்.
ஆசியாவிலேயே மிகப்பெரியதும், உலகிலேயே மிக முக்கியமான பாதுகாப்பு துறை சார் விமானக் கண்காட்சியாக கருதப்படும், சிங்கப்பூர் ஏர்ஷோ 2020 கடந்த 11ம் தேதி துவங்கியது. இன்றுடன் முடிவடையும் கண்காட்சியை பார்வையிட கடைசி 2 நாட்களில் மட்டும் பொதுமக்கள் அனுமதிக்கப்பட்டனர்.
இதையொட்டி சீன விமானப்படையின் ஆகஸ்ட் 1 ஏரோபேட்டிக் குழுவினர் விமான சாகச நிகழ்ச்சியில் ஈடுபட்டனர். வண்ணப்புகையை உமிழ்ந்தபடி பலவடிவங்களில் வானில் சீறிப்பாய்ந்த விமானங்களை ஏராளமானோர் பிரமிப்புடன் கண்டுகளித்தனர்.