ஆப்கானிஸ்தானில் பாதுகாப்பு படையினர் நடத்திய தேடுதல் வேட்டையில் 13 தாலிபான் பயங்கரவாதிகள் சுட்டுக் கொல்லப்பட்டதாக தகவல் வெளியாகியுள்ளது.
ஆப்கானிஸ்தானில் பல பகுதிகளை தங்களது கட்டுப்பாட்டில் வைத்துள்ள தாலிபான் பயங்கரவாதிகள் மீது, அந்நாட்டு ராணுவத்தினர் தாக்குதல்களை நடத்தி அவர்களின் பிடியில் உள்ள கிராமங்களை மீட்டு வருகின்றனர்.
அந்த வகையில், பெல்ஹம் மாகாணத்தில் உள்ள ஜர்-இ-குஷக் பகுதியில் பாதுகாப்பு படையினர் தேடுதல் வேட்டையில் ஈடுபட்ட பொழுது தாலிபான்களுக்கும், வீரர்களுக்கும் இடையே கடுமையான துப்பாக்கிச் சண்டை ஏற்பட்டது. அதில் 13 தாலிபான்கள் கொல்லப்பட்ட நிலையில் 10 பேர் படுகாயமடைந்தனர்.