டெல்லி அருகே கொரானா வைரஸ் சிறப்பு மருத்துவ முகாமில் தங்கவைக்கப்பட்டுள்ள மாணவர்கள் உற்சாகத்துடன் நடனம் ஆடும் வீடியோ சமூக வலைதளங்களில் வைரலாகியுள்ளது.
கொரானா வைரஸ் தாக்கம் அதிகமாக உள்ள சீனாவின் ஊகான் நகரில் சிக்கி தவித்த இந்தியர்கள் 647 பேர், விமானம் மூலம் தாயகம் மீட்டுவரப்பட்டு மருத்துவ முகாம்களில் தீவிர கண்காணிப்பில் வைக்கப்பட்டுள்ளனர்.
இந்த நிலையில் டெல்லி அருகே உள்ள மானேசர் (Manesar) சிறப்பு முகாம்களில் தங்கவைக்கப்பட்டுள்ள மாணவர்கள் சிலர், முகமூடிகளை அணிந்தவாறு இந்தி பாடல் ஒன்றுக்கு நடனமாடும் வீடியோ வெளியாகியுள்ளது.
வெளியுலகில் இருந்து தனிமைப்படுத்தப்பட்டுள்ளபோதும் தங்களை உற்சாகம் குறையாமல் வைத்துக்கொள்ளும் இவர்களுக்கு சமூகவலைதளங்களில் பலரும் பாராட்டும் வாழ்த்தும் தெரிவித்து வருகின்றனர்.