கொரோனாவைரஸ் தாக்குதலின் எதிரொலி - கச்சா எண்ணெய், பெட்ரோல்-டீசல் விலை குறைவு

கொரோனாவைரஸ் தாக்குதலின் எதிரொலியாக  கச்சா எண்ணையின் விலை தொடர்ந்து இறங்குமுகமாக உள்ளதால் பெட்ரோல், டீசல் விலைகளும் தொடர்ந்து குறைந்த வண்ணம் உள்ளன.

பெட்ரோல் விலையில் 24 காசுகள் குறைந்து, சென்னையில் லிட்டர் ஒன்று 76 ரூபாய் 19 காசுகளாக உள்ளது. டீசல் 22 காசுகள் குறைந்து லிட்டருக்கு 70 ரூபாய் பூஜ்யம் ஒன்பது காசுகளுக்கு விற்பனை செய்யப்படுகிறது.

நேற்றைய தினம் தவிர்த்து, கடந்த 12 ஆம் தேதி முதல் பெட்ரோல் டீசல் விலை தினசரி குறைந்து வருகிறது.  கச்சா எண்ணெய் விலை இன்று பூஜ்யம் புள்ளி 6 சதவிகிதம் குறைந்து பீப்பா ஒன்றுக்கு  53 புள்ளி பூஜ்யம் 3 டாலராக உள்ளது. பல நாடுகள் சீனாவுக்கான சேவைகளை ரத்து செய்துள்ளதை அடுத்து விமான  எரிபொருள் தேவையும் குறைந்துள்ளது