டெல்லி சட்டப்பேரவைத் தேர்தலில் தங்களது ஆதரவாளர்களுக்கு போட்டியிட வாய்ப்பு வழங்கக்கோரி காங்கிரஸ் தலைவர் சோனியா காந்தியின் வீட்டுக்கு வெளியே அக்கட்சித் தொண்டர்கள் இன்று போராட்டத்தில் ஈடுபட்டனர்.
டெல்லி சட்டப்பேரவைத் தேர்தலுக்கான காங்கிரஸ் வேட்பாளர் பட்டியல் எந்நேரமும் வெளியிடப்படலாம் என எதிர்பார்க்கப்படுகிறது. இந்நிலையில் படேல் நகர், கரவால் நகர் பகுதியைச் சேர்ந்த காங்கிரஸ் தொண்டர்கள் ஏராளமானோர், தங்களது ஆதரவாளர்களுக்கு போட்டியிட வாய்ப்பு வழங்கக்கோரி, கட்சி கொடிகள் உள்ளிட்டவற்றுடன் வந்து, டெல்லியிலுள்ள சோனியா காந்தியின் இல்லத்துக்கு வெளியே திடீர் போராட்டத்தில் ஈடுபட்டனர்.