பனிச்சரிவில் சிக்கிய இருவரை மீட்ட ராணுவ வீரர்கள்

காஷ்மீர் பகுதியில் பனிச்சரிவில் சிக்கிய இருவரை, ராணுவ வீரர்கள் மீட்கும் வீடியோ வெளியாகியுள்ளது.

காஷ்மீரில் உள்ள லச்சிபுரா கிராமத்தில் இருந்து பிஜ்ஹாமாவிற்கு சாலை மார்க்கமாக தாரிக் இக்பால் மற்றும் ஜஹூர் அஹ்மது கான் ஆகியோர் சென்றுள்ளனர். அப்பொழுது திடீரென ஏற்பட்ட பனிச்சரிவில் இருவரும் சிக்கினர்.

அதையடுத்து, தகவலறிந்து அங்கு விரைந்த ராணுவ வீரர்கள் பாதியளவு புதைந்திருந்த அஹ்மது கானை மீட்டனர். அதன்பின்னர் 20 நிமிட தேடுதலுக்கு பிறகு பனி முழுவதுமாக மூடப்பட்ட நிலையில் இருந்த இக்பாலை மீட்டு முதலுதவி அளிக்கப்பட்டது. இதில் அஹ்மது கான் சிகிச்சைக்கு பிறகு வீடு திரும்பிய நிலையில், இக்பால் ஆபத்தான கட்டத்தில் இருப்பதாக தெரிவிக்கப்பட்டுள்ளது. 

Watch Polimer News Online at https://bit.ly/2Qrv39p