ஜம்மு-காஷ்மீரில் இன்று காலை நடைபெற்ற துப்பாக்கிச் சண்டையில் 2 பயங்கரவாதிகளை பாதுகாப்புப் படையினர் சுட்டுக் கொன்றனர்.
புல்வாமா மாவட்டம் டிராலில் உள்ள குல்சான்போரா ((Gulshanpora )) பகுதியில் பயங்கரவாதிகள் பதுங்கியிருப்பதாக பாதுகாப்புப் படைகளுக்கு ரகசியத் தகவல் கிடைத்தது. இதனடிப்படையில் அப்பகுதியை பாதுகாப்புப் படையினர் சுற்றி வளைத்தனர்.
அப்போது பயங்கரவாதிகளுக்கும், பாதுகாப்புப் படையினருக்கும் இடையே துப்பாக்கிச் சண்டை வெடித்தது. இந்த சண்டையில் 2 பயங்கரவாதிகள் கொல்லப்பட்டுள்ளனர். அவர்கள் 2 பேரும் எந்த பயங்கரவாத அமைப்பைச் சேர்ந்தவர்கள் என்பது தெரியவில்லை. அதுகுறித்து விசாரணை நடத்தப்பட்டு வருவதாக பாதுகாப்புப் படை வட்டாரங்கள் தெரிவித்துள்ளன.