இந்தியக் கிரிக்கெட் அணியின் முன்னாள் கேப்டன் எம்.எஸ்.தோனி, தனது மகள் ஸிவா கித்தார் வாசித்தபடி பாடல் பாடும் வீடியோவை இன்ஸ்டாகிராமில் வெளியிட்டுள்ளார்.
கிரிக்கெட் போட்டிகளில் பங்கேற்காமல் ஓய்வில் இருந்து வரும் தோனி, குடும்பத்துடன் சுற்றுலா சென்றுள்ளார். அங்கு தோனியும், அவரது மகள் ஸிவாவும் பனி மனிதன் உருவத்தை செய்து விளையாடும் காட்சிகளை அவரது மனைவி சாக்சி ஏற்கனவே இன்ஸ்டாகிராமில் பதிவிட்டிருந்தார்.
அந்த வீடியோ வைரலான நிலையில், தற்போது ஸிவா பாடல் பாடும் வீடியோவை இன்ஸ்டாகிராமில் தோனி பதிவிட்டுள்ளார். மேலும் பனிபடர்ந்த சூழல் ஸிவாவின் திறமையை வெளிக்கொண்டு வந்துள்ளது என அந்த வீடியோவிற்கு கேப்ஷனையும் கொடுத்துள்ளார் தோனி.
இந்த வீடியோவும் தோனி ரசிகர்களிடையே வரவேற்பை பெற்றுள்ளது. ஸிவா பாடிய வீடியோ பதிவிடப்பட்ட சில மணிநேரத்திலேயே லட்சக்கணக்கானோர் லைக்குகளையு,கமெண்ட்டுகளையும் போட்டு குவித்துள்ளார். மேலும் ஏராளமானோர் அந்த வீடியோவை ஷேர் செய்துள்ளனர்.