புதுச்சேரில் பணிக்கு தாமதமாக வரும் அரசு ஊழியர்கள் மீது ஒழுங்கு நடவடிக்கை - புதுச்சேரி அரசு

புதுச்சேரியில் பணியாற்றும் அரசு ஊழியர்கள் தாமதமாக பணிக்கு வந்தால் கண்காணித்து நடவடிக்கை எடுக்கும்படி அனைத்து அரசுத் துறைகளுக்கும் புதுச்சேரி அரசு சுற்றறிக்கை அனுப்பியுள்ளது.

அரசு அலுவலகங்களில் பணியாற்றுவோர் சரியாக 9 மணிக்கு பணிக்கு வரவேண்டும் என்ற உத்தரவு ஏற்கனவே அமலில் உள்ளது. ஆனால், பல ஊழியர்கள் உரிய நேரத்தில் பணிக்கு வராததால் இருக்கைகள் காலியாக இருப்பதாகவும் பணிகள் பாதிக்கப்படுவதாகவும் பொதுமக்கள் புகார் அளித்திருந்த நிலையில், புதிய உத்தரவு பிறப்பிக்கப்பட்டுள்ளது.