டெல்லியில் விமான நிலையத்தில் தரையிறங்கும் பகுதியில் நடமாடிய மர்ம நபர் கைது

டெல்லி விமான நிலையத்தில் ஏற்பட்ட பாதுகாப்பு அத்துமீறல் காரணமாக கூடுதல் படைகள் குவிக்கப்பட்டுள்ளன. குடியரசு தினத்துக்கு மறுநாள் இரவு 11.30 மணிக்கு ஏர் இந்தியா விமானம் தரையிறங்கும் போது, ஓடுதள பகுதியில் மர்ம நபரின் நடமாட்டத்தை விமானி கவனித்து அதிகாரிகளுக்குத் தகவல் தெரிவித்துள்ளதாக கூறப்படுகின்றது.

உடனடியாக அங்கு விரைந்த மத்திய தொழில் பாதுகாப்பு படையினர் அந்த நபரை கைது செய்து போலீசாரிடம் ஒப்படைத்தனர். போலீசார் நடத்திய விசாரணையில், ஹரியானாவைச் சேர்ந்த அவர் குடிபோதையில் அத்துமீறியிருப்பது தெரியவந்துள்ளது.

பலத்த பாதுகாப்பு மற்றும் கண்காணிப்பு வளையத்தை தாண்டி எப்படி உள்ளே நுழைந்தார் என தீவிர விசாரணை நடைபெறுகிறது.