கேரளாவின் மலப்புரம் மாவட்டத்தில் சுற்றுலாப் படகு கவிழ்ந்த விபத்தில், 21 பேர் உயிரிழந்தனர்.
தானூர் கடற்பகுதியில் 35 பயணிகளுடன் சென்ற படகு, திடீரென கவிழ்ந்து விபத்திற்குள்ளானது. தகவலறிந்து விரைந்த தீயணைப்புத் துறையினர், பொதுமக்கள் உதவியுடன் மீட்பு பணியில் ஈடுபட்டனர்.
கடலில் மூழ்கி 5 குழந்தைகள், பெண்கள் உள்பட 21 பேர் பலியாகினர். 8 பேர் மீட்கப்பட்டு அருகிலுள்ள மருத்துவமனையில் சிகிச்சைக்காக அனுமதிக்கப்பட்டனர். இரு அடுக்குகளை கொண்ட, அப்படகில் 2 கதவுகள் இருந்தும், படகு கவிழ்ந்த பின், உள்ளே இருந்தவர்களால் வெளியே வரமுடியவில்லை என விபத்தில் உயிர்பிழைத்த இளைஞர் தெரிவித்துள்ளார்.
சுற்றுலா படகு கடலில் கவிழ்ந்து விபத்துக்குள்ளான காரணம் குறித்து போலீசார் விசாரணை நடத்தி வருகின்றனர்.