திரிபுராவில் சட்டப்பேரவை தேர்தலுக்கான வாக்குப்பதிவு காலை 7 மணிக்கு தொடங்கி நடைபெற்று வரும் நிலையில், சாதனை படைக்கும் எண்ணிக்கையில் வாக்காளர்கள் வாக்களிக்குமாறு பிரதமர் மோடி கேட்டுக்கொண்டுள்ளார்.
ட்விட்டரில் அவர் வெளியிட்டுள்ள பதிவில், திரிபுரா மக்கள் அதிக எண்ணிக்கையில் வாக்களித்து ஜனநாயக திருவிழாவை வலுப்படுத்துமாறு கேட்டுக்கொண்டுள்ளார். குறிப்பாக இளைஞர்கள் தங்கள் வாக்குரிமையை பயன்படுத்துமாறு பிரதமர் தனது பதிவில் வேண்டுகோள் விடுத்துள்ளார்.
மத்திய உள்துறை அமைச்சர் அமித்ஷா வெளியிட்டுள்ள ட்விட்டர் பதிவில், வளர்ச்சியை நோக்கி செயல்படும் அரசு அமைவதை உறுதி செய்யும் வகையில் மக்கள் தங்கள் வாக்கை செலுத்துமாறு வலியுறுத்தியுள்ளார்.