டெல்லியிலிருந்து புனே செல்லும் ஸ்பைஸ் ஜெட் விமானத்திற்கு வெடிகுண்டு மிரட்டல்!

டெல்லியிலிருந்து புனே செல்லும் ஸ்பைஸ் ஜெட் விமானத்திற்கு வெடிகுண்டு மிரட்டல் விடுக்கப்பட்டதால் பாதுகாப்பு அதிகாரிகள் உஷார் படுத்தப்பட்டுள்ளனர்.

நேற்று மாலை 5.35 மணிக்கு இந்திரா காந்தி சர்வதேச விமானநிலையத்தில் இருந்து விமானம் புறப்படத் தயாராக இருந்த நிலையில், அதில் வெடிகுண்டு வைக்கப்பட்டிருப்பதாக தொலைபேசி அழைப்பு வந்தது.

இதையடுத்து மத்திய தொழில் பாதுகாப்புப் படையினர் மற்றும் டெல்லி போலீசார் வரவழைக்கப்பட்டனர். தொடர்ந்து விமானம் நிறுத்தப்பட்டு சோதனை நடத்தப்பட்டது.

ஆனால் விமானத்தில் சந்தேகப்படும் படியான பொருட்கள் எதுவும் கிடைக்கவில்லை என அதிகாரிகள் தெரிவித்தனர்.