ஆப்கானிஸ்தானுக்கு மருந்துகள் உள்ளிட்ட மருத்துவ பொருட்களை அனுப்பி வைத்துள்ளது இந்தியா.!

உள்நாட்டுப் போரினால் கடுமையாக பாதிக்கப்பட்டுள்ள ஆப்கானிஸ்தானுக்கு 10-ஆவது கட்டமாக மருந்துகள் உள்ளிட்ட மருத்துவ பொருட்களை இந்தியா அனுப்பி வைத்துள்ளது.

உயிர்காக்கும் மருந்துகள், காசநோய் எதிர்ப்பு மருந்துகள், கொரோனா தடுப்பு ஊசிகள் உள்ளிட்ட மருந்துப் பொருட்கள் ஏற்கனவே அனுப்பி வைக்கப்பட்டுள்ள நிலையில், 10-ஆவது கட்டமாக இந்தியா அனுப்பிய மருத்துவ பொருட்கள் விமானம் மூலம் எடுத்துச் செல்லப்பட்டு காபூலில் உள்ள இந்திராகாந்தி மருத்துவமனையில் ஒப்படைக்கப்பட்டன.

மனிதநேய அடிப்படையில் ஆப்கானிஸ்தானுக்கு இதுவரை 32 டன் அளவிலான மருந்து பொருட்களை இந்தியா அனுப்பியுள்ளது.