சத்தீஸ்கர் மாநிலம் ஜாங்கிரி-ஷம்பா மாவட்டத்தில் 80 அடி ஆழ்துளை கிணற்றுக்குள் தவறி விழுந்த 11 வயது சிறுவனை மீட்கும் பணிகள் தீவிரமாக நடைபெற்று வருகிறது.
பிஹ்ரிட் கிராமத்தைச் சேர்ந்த 11 வயதான ராகுல் ஷாகு, நேற்று மதியம் 2 மணியளவில் வீட்டிற்கு பின்புறம் பயன்பாடற்ற நிலையில் இருந்த 80 அடி ஆழ்துளை கிணற்றுக்குள் தவறி விழுந்துள்ளான்.
தகவலறிந்து சம்பவ இடத்துக்கு விரைந்த காவல் துறையினர், தேசிய பேரிடர் மீட்புக்குழுவினர் உள்ளிட்ட அதிகாரிகள் கிணற்றில் சிக்கியுள்ள சிறுவனை மீட்கும் பணியில் ஈடுபட்டு வருகின்றனர்.