நடப்பாண்டில் மின்சார வாகனங்களின் விற்பனை பத்து இலட்சத்தை எட்டும் ; மின்சார வாகன உற்பத்தியாளர்கள் சங்கம்

நடப்பாண்டில் மின்சார வாகனங்களின் விற்பனை பத்து இலட்சத்தை எட்டும் என மின்சார வாகன உற்பத்தியாளர்கள் சங்கம் கணித்துள்ளது.

2020ஆம் ஆண்டில் ஒரு இலட்சம் மின்சார வாகனங்கள் விற்றதாகவும், கடந்த ஆண்டில் 2 இலட்சத்து 33 ஆயிரம் வாகனங்கள் விற்றதாகவும் தெரிவித்துள்ளது.

இவற்றில் இருசக்கர வாகனங்கள் மிக அதிகமாகும் என்றும் குறிப்பிட்டுள்ளது. கடந்த 15 ஆண்டுகளில் மொத்தம் 10 இலட்சம் மின்சார வாகனங்கள் விற்றுள்ளதாகவும், இந்தச் சாதனை இந்த ஒரே ஆண்டிலேயே முறியடிக்கப்படும் என்றும் தெரிவித்துள்ளது.