ஒமிக்ரான் வைரஸ் தொற்று ஏற்பட்டுள்ள நாடுகளுக்கான விமான போக்குவரத்தை நிறுத்துமாறு பிரதமர் மோடியை, டெல்லி முதலமைச்சர் கெஜ்ரிவால் கேட்டுக் கொண்டுள்ளார்.
மோடிக்கு எழுதிய கடிதத்தில், கடந்த ஒன்றரை ஆண்டுகளாக நாடு கொரோனாவுக்கு எதிரான கடுமையான போரை நடத்தியதாக குறிப்பிட்டுள்ள அவர், இப்போது புதிதாக வந்திருக்கும் ஒமிக்ரான் வைரஸ் இந்தியாவில் பரவாமல் இருக்க எல்லா நடவடிக்கைகளையும் எடுக்க வேண்டும் என வலியுறுத்தி உள்ளார்.
ஒமிக்ரான் வைரஸ் பாதித்த நாடுகளில் இருந்து விமானங்கள் வருவதை தடுக்க வேண்டும் என்றும், இல்லையெனில் தொற்று பாதித்தவர்கள் வந்து அதனால் நாட்டுக்கு பெரிய பாதிப்பு ஏற்படும் என்றும், அவர் தமது கடிதத்தில் தெரிவித்துள்ளார்.