நாட்டின் 75ஆவது விடுதலை நாளை முன்னிட்டுப் பஞ்சாபில் பாகிஸ்தானுடனான அட்டாரி - வாகா எல்லையில் நடைபெற்ற நிகழ்ச்சியில் இருநாட்டு வீரர்களும் ஒன்றாகப் பங்கேற்றனர்.
அட்டாரி - வாகா எல்லையில் ஒவ்வொரு நாளும் காலையில் இரு நாட்டுத் தேசியக் கொடிகளும் ஏற்றப்பட்டு, மாலையில் இறக்கப்படுவது வழக்கம். விடுதலைநாளையொட்டி எல்லைச் சாவடிகள் அலங்கரிக்கப்பட்டுள்ள நிலையில் இருநாட்டு வீரர்களும் வழக்கமான நடைமுறையைப் பின்பற்றினர்.