கொரோனா அச்சுறுத்தலால் ஒத்திவைக்கப்பட்ட பொறியியல் படிப்பிற்கான ஜேஇஇ நுழைவுத்தேர்வுகள் வரும் 20 ம் தேதி முதல் நடத்தப்படும் என மத்திய அரசு அறிவித்துள்ளது.
தேர்வுக்கான காலஅட்டவணையை தனது டுவிட்டர் பக்கத்தில் மத்திய கல்வித்துறை அமைச்சர் ரமேஷ் பொக்ரியால், வெளியிட்டுள்ளார். அதன்படி ஜேஇஇ 3-ம் கட்ட நுழைவுத்தேர்வானது வரும் 20ம் தேதி முதல் 25-ம் தேதி வரை நடத்தப்படும் என தெரிவிக்கப்பட்டுள்ளது.
இதற்கான விண்ணப்பப்பதிவு நாளை தொடங்குவதாக அறிவிக்கப்பட்டுள்ளது. அதேபோல், ஜேஇஇ 4-ம்கட்ட நுழைவுத் தேர்வு வரும் 27 ம் தேதி முதல் ஆகஸ்ட் 2-ம் தேதி வரை நடைபெறும் என்றும் இதற்கான விண்ணப்பப் பதிவு வரும் 9-ம் தேதி தொடங்கி 12-ம் தேதி நிறைவு பெறும் என்றும் தெரிவிக்கப்பட்டுள்ளது.
தேர்வு மையங்களின் எண்ணிக்கை 660-ல் இருந்து 828 ஆக உயர்த்தப்பட்டுள்ளது. தேர்வுகளுக்கு ஏற்கனவே விண்ணப்பித்தவர்கள் மீண்டும் விண்ணப்பிக்க தேவையில்லை என அறிவிக்கப்பட்டுள்ளது.