உத்தரப்பிரதேசத்தில் ஊரடங்கில் மேலும் சில தளர்வுகள் அமல்

உத்தரப்பிரதேசத்தில் கொரோனா பாதிப்பு குறைந்து வருவதை அடுத்து, ஊரடங்கில் மேலும் சில தளர்வுகள் அறிவிக்கப்பட்டுள்ளன.

முதலமைச்சர் யோகி ஆதித்யநாத் தலைமையிலான உயர்மட்ட ஆலோசனை கூட்டத்தில் இந்த முடிவு எடுக்கப்பட்டுள்ளது. அதன்படி, இரவு நேர ஊரடங்கின் கால அளவு 2 மணி நேரம் குறைக்கப்பட்டு, இரவு 9 மணி முதல் காலை 7 மணி வரை அமலில் இருக்கும் என அறிவிக்கப்பட்டுள்ளது.

கொரோனா தடுப்பு வழிமுறைகளைப் பின்பற்றி உணவு விடுதிகள், வணிக வளாகங்கள் 50 சதவீத வாடிக்கையாளர்களுடன் இயங்க அனுமதி அளிக்கப்பட்டுள்ளது. பூங்காக்கள், தெருவோர உணவு கடைகள் செயல்படவும் யோகி அரசு அனுமதி வழங்கியுள்ளது.