ஆக்சிஜன் டேங்கர்களை ஏற்றி வந்த ரயில் பொக்காரோ உருக்காலையில் இருந்து லக்னோ சென்றடைந்தது

பொக்காரோ உருக்காலையில் இருந்து ஆக்சிஜன் டேங்கர் லாரிகளை ஏற்றிச் சென்ற ரயில் உத்தரப்பிரதேசத்தின் லக்னோவுக்குச் சென்றடைந்தது. 

ரயில்வே துறை உதவியுடன் உருக்காலைகள், தொழிற்சாலைகளில் இருந்து டேங்கர்களில் நீர்ம ஆக்சிஜனை நிரப்பித் தேவையான இடங்களுக்கு ரயில் மூலம் எடுத்துச் செல்லப்படுகிறது.

ஜார்க்கண்ட் மாநிலம் பொக்காரோ உருக்காலையில் இருந்து வெள்ளியன்று புறப்பட்ட ஆக்சிஜன் எக்ஸ்பிரஸ் ரயில் சனியன்று லக்னோ சென்றடைந்தது. அதையடுத்துப் பொக்காரோவில் இருந்து நீர்ம ஆக்சிஜன் நிரப்பிய 4 டேங்கர் லாரிகளுடன் நேற்றுப் புறப்பட்ட இரண்டாவது ரயில் இன்று லக்னோவுக்குச் சென்றடைந்தது.