பிரான்சில் இருந்து மேலும் 10 ரபேல் விமானங்கள் இந்தியா வர இருப்பதாக அதிகாரிகள் தெரிவித்துள்ளனர்.
59 ஆயிரம் கோடி ரூபாய்க்கு 36 ரபேல் விமானங்களை வாங்க பிரான்சின் டசால்ட் நிறுவனத்துடன் இந்தியா ஒப்பந்தம் செய்தது. ஏற்கனவே 4 கட்டங்களாக 14 விமானங்கள் இந்தியா வந்து சேர்ந்து விமானப் படையில் இணைக்கப்பட்டு விட்டன.
இந்த நிலையில் வரும் 28 ஆம் தேதி மேலும் 6 ரபேல் போர் விமானங்கள் வர இருக்கிறது. அடுத்த மாதம் மேலும் 4 ரபேல் விமானங்கள் இந்தியா வரும் என எதிர்பார்ப்பதாகவும் அதிகாரிகள் கூறியுள்ளனர்.
இதனிடையே ரபேல் விமான ஒப்பந்தம் பெறுவதற்கு இடைத்தரகருக்கு லஞ்சம் கொடுக்கப்பட்டதாக வெளியான தகவல் தவறானது என்று டசால்ட் நிறுவனம் விளக்கம் அளித்துள்ளது.