மேற்குவங்கம் மற்றும் அஸ்ஸாமில் நடைபெற்ற முதல்கட்ட வாக்குப்பதிவில் முறையே 79.79 சதவீதமும் 72.14 சதவீதமும் வாக்குகள் பதிவாகியுள்ளதாக தேர்தல் ஆணையம் அறிவித்துள்ளது.
அஸ்ஸாமின் 47 தொகுதிகளுக்கும் மேற்குவங்கத்தின் 30 தொகுதிகளுக்கும் நேற்று விறுவிறுப்பான வாக்குப்பதிவு நடைபெற்றது. காலை 7 மணி முதலே வாக்காளர்கள் வாக்குச்சாவடிகளில் திரண்டு வாக்களித்தனர்.
அவர்களுக்கு முகக்கவசம், சானிட்டைசர், கையுறை போன்றவை வழங்கப்பட்டன. சமூக இடைவெளியுடன் நிறுத்தி வைக்கப்பட்டனர். கொரோனா காலத்திற்காக கூடுதலான ஒருமணி நேரம் வாக்களிக்க அனுமதிக்கப்பட்டு மாலை 6.30 மணிக்கு வாக்குப்பதிவு நிறைவு பெற்றது.