புனேவில் இன்று நடக்கிறது இந்தியா-இங்கிலாந்து மோதும் முதலாவது ஒருநாள் போட்டி

இங்கிலாந்து அணிக்கு எதிராக இன்று நடக்கவுள்ள ஒருநாள் கிரிக்கெட் போட்டியில் இந்திய அணி வெற்றியுடன் கணக்கை தொடங்குமா என்று ரசிகர்கள் ஆவலுடன் எதிர்பார்த்த வண்ணம் உள்ளனர். 

இரு அணிகள் இடையேயான 4 டெஸ்ட் கொண்ட தொடரை 3-1 என்ற கணக்கிலும், 5 ஆட்டம் கொண்ட 20 ஓவர் தொடரை 3-2 என்ற கணக்கிலும் இந்தியா கைப்பற்றியது. அடுத்து இரு அணிகள் இடையே 3 ஒருநாள் போட்டி தொடர் மகாராஷ்டிர மாநிலம் புனேயில் நடத்தப்படுகிறது.

டெஸ்ட், 20 ஓவர் தொடரை இழந்த இங்கிலாந்து அணி ஒரு நாள் தொடரைக் கைப்பற்றும் முனைப்புடன் விளையாட வாய்ப்புள்ளது. பார்வையாளர்கள் அனுமதியின்றி, பகல் இரவு ஆட்டமாக இப்போட்டி நடைபெறுகிறது.