இந்தியர்களை புறக்கணித்துவிட்டு தடுப்பூசி ஏற்றுமதியில் இந்தியா ஈடுபடவில்லை - சுகாதார அமைச்சர் ஹர்ஷ் வர்தன் விளக்கம்

இந்திய மக்களை புறக்கணித்துவிட்டு தடுப்பூசி ஏற்றுமதியில் மத்திய அரசு ஈடுபடவில்லை என சுகாதார அமைச்சர் ஹர்ஷ் வர்தன் விளக்கம் அளித்துள்ளார்.

தடுப்பூசி போடும் திட்டம் துவங்கி 2 மாதங்கள் ஆகும் நிலையில், உள்ளூர் தடுப்பூசி திட்டத்திற்கு போதிய முன்னுரிமை அளிக்காமல், தடுப்பூசி அதிக அளவில் வெளிநாடுகளுக்கு ஏற்றுமதி செய்யப்படுவதாக பொதுவான விமர்சனம் எழுந்தது.

இதற்கு மாநிலங்களவையில் பதிலளித்த ஹர்ஷ் வர்தன், நாட்டிற்கு எவ்வளவு தேவை, வெளிநாடுகளுக்கு எவ்வளவு ஏற்றுமதி செய்வது என்பது குறித்து அரசின் உயர்மட்ட நிபுணர் குழு கண்காணித்து வருவதாக கூறினார். 

கோவிஷீல்டு, கோவாக்சின் ஆகிய 2 தடுப்பூசிகளுக்கும் ஒப்புதல் வழங்கப்பட்ட பிறகு, பல நாடுகளுக்கு இலவசமாகவும், விலைக்கும் அவற்றை மத்திய அரசு அனுப்பி வருவது குறிப்பிடத்தக்கது.