பீகாரில் மின்சார பேருந்துகளை தொடங்கி வைத்தார் நிதிஷ்குமார்

பீகாரில் மின்சார பேருந்துகளை பொதுமக்கள் பயன்பாட்டிற்கு முதலமைச்சர் நிதீஷ்குமார் கொடியசைத்து தொடங்கிவைத்தார்.

பாட்னா, ராஜ்கீர் மற்றும் முசாபர்பூர் உள்ளிட்ட நகரங்களில் இயக்கப்படும் வகையில் 25 பேருந்துகள் இயக்கப்பட்டன. முதல் கட்டமாக தொடங்கபட்ட இந்த மின்சார பேருந்துகளில் ஜி.பி.எஸ், இ-டிக்கெட், மொபைல் டிராவல் பாஸ், ப்ரீபெய்ட் கார்டுகள் உள்ளிட்ட வசதிகள் அறிமுகப்படுத்தப்பட்டுள்ளன.

நிகழ்ச்சியில் பேசிய நிதீஷ்குமார், பெட்ரோலிய எரிபொருளைச் சார்ந்திருப்பதைக் குறைக்கவும், மிகவும் வசதியான பயணத்திற்கும் உறுதி அளிக்கப்பட்டுள்ளதாகவும் கூறினார்.