பாரம்பரிய மருத்துவத் துறையில் ஒத்துழைப்புடன் செயல்பட ஆயுஷ் அமைச்சகம் மற்றும் உலக சுகாதார நிறுவனம் இடையே ஒப்பந்தம் கையெழுத்தானது.
ஆயுஷ் அமைச்சக செயலாளர் வைத்யா ராஜேஷ் கொடேச்சா, உலக சுகாதார நிறுவனத்தின் தென் கிழக்கு ஆசிய மண்டல இயக்குனர் டாக்டர் பூனம் கேத்ரபால் சிங் ஆகியோர் இந்த ஒப்பந்தத்தில் கையெழுத்திட்டனர்.
இதன்படி ஆயுஷ் நிபுணர் ஒருவர் டெல்லியில் உள்ள உலக சுகாதார நிறுவனத்தின் தென் கிழக்கு மண்டல அலுவலகத்தில் பணியமர்த்தப்படுவார். பாரம்பரிய மருத்துவ செயல் திட்டத்தை உலக சுகாதார நிறுவனம் அமல்படுத்துவதில் உதவுவதற்காக இந்த முயற்சி எடுக்கப்பட்டுள்ளது. தென்கிழக்கு ஆசிய நாடுகளில், பாரம்பரிய மருத்துவத்தை வலுப்படுத்துவதற்கான முயற்சிகளும் மேற்கொள்ளப்படும்.