பிரதமர் மோடி குறித்து அவதூறு பரப்பியதாக தொடரப்பட்ட வழக்கிலிருந்து கூகுள் நிறுவன சிஇஓ சுந்தர் பிச்சை பெயர் நீக்கம்

பிரதமர் நரேந்திர மோடி குறித்து அவதூறு பரப்பியதாக தொடரப்பட்ட வழக்கிலிருந்து கூகுள் நிறுவன தலைமைச் செயல் அதிகாரி சுந்தர் பிச்சை உள்ளிட்ட 3 பேரின் பெயர்கள் நீக்கப்பட்டன.

உள்ளூரை சேர்ந்த ஒருவர் இணையதளத்தில் வெளியிட்ட வீடியோவின் அடிப்படையில், சுந்தர் பிச்சை உள்ளிட்ட 17 பேர் மீது கடந்த 6 ஆம் தேதி உத்தரபிரதேச மாநில காவல்துறையினர் வழக்குப்பதிவு செய்தனர்.

இந்நிலையில் அந்த வீடியோவிற்கும் சுந்தர் பிச்சை உள்ளிட்ட மூன்று அதிகாரிகளுக்கும் எந்தவித தொடர்பும் இல்லை என்பது விசாரணையில் தெரியவந்ததால் அந்த வழக்கின் முதல் தகவல் அறிக்கையிலிருந்து அவர்களது பெயர்களை காவல்துறை நீக்கியுள்ளது.