தேஜஸ் போர் விமானங்கள் அதிக எண்ணிக்கையில் இணைவதால் விமானப்படை வலிமை அதிகரிக்கும்: விமானப்படைத் தளபதி

தேஜஸ் போர் விமானங்கள் அதிக எண்ணிக்கையில்,இணைவதால், விமானப்படை வலிமை உடையதாக மாறும் என இந்திய விமானப்படை தளபதி RKS பஹதாரியா தெரிவித்துள்ளார்.

பெங்களூருவில் உள்ள பொதுத்துறை நிறுவனமான HAL-லிடமிருந்து, 83 இலகுரக தேஜஸ் போர் விமானங்களை, 48 ஆயிரம் கோடி ரூபாய் மதிப்பீட்டில், இந்திய விமானப்படை கொள்வனவு செய்ய, பிரதமர் தலைமையிலான மத்திய அமைச்சரவை அண்மையில் ஒப்புதல் அளித்தது.

இதுகுறித்து, டெல்லியில் பேசிய விமானப்படை தளபதி பஹதாரியா, எல்லைகளை ஒட்டிய முன்கள படைப்பிரிவுகளில், தலா ஒவ்வொன்றிலும், இதுவரை 4 போர் விமானங்கள் என்ற நிலையில், அதன் எண்ணிக்கை 6ஆக உயர்த்த வழிவகுக்கும் என்பதால், நாட்டின் பாதுகாப்பு மேலும் பலப்படும் என்றும் நம்பிக்கைத் தெரிவித்தார்.