வடமாநிலங்களில் வாட்டி எடுக்கிறது கடும் குளிர்... ராஜஸ்தான், காஷ்மீரில் உறைநிலைக்கும் கீழாக வெப்பநிலை

நாட்டின் வடமாநிலங்களில் குளிரில் தாக்கம் அதிகரித்துள்ளதால் இயல்வு வாழ்க்கை பாதிக்கப்பட்டுள்ளது.

டெல்லியில் வெப்பநிலை 3.5 டிகிரி செல்சியசாக பதிவாகி உள்ளது. ராஜஸ்தான் மாநிலம் சிருவில் மைனஸ் 1.5 டிகிரி செல்சியசாக வெப்ப நிலை குறைந்துள்ளது.

அந்த மாநிலத்தின் சிகாரில் 3 டிகிரி செல்சியசாகவும், உதயப்பூரில் 3.6 டிகிரி செல்சியசாகவும் குளிர் நிலவுகிறது. இதே போன்று இமாச்சல பிரதேசத்தில் ஒன்று முதல் 3 டிகிரி செல்சியசாக வெப்பநிலை குறைந்துள்ளது.

காஷ்மீர் பள்ளத்தாக்கில் மைனஸ் 7.5 டிகிரி செல்சியஸ் அளவுக்கு வெப்பம் நிலவுகிறது. இதே போன்று அரியானா, பஞ்சாப், உத்தரபிரதேசம், உத்ரகாண்ட் உள்ளிட்ட வடமாநிலங்களில் கடும் குளிர் நிலவுகிறது. இதனால் இயல்பு வாழ்க்கை பாதிக்கப்பட்டுள்ளது.