செய்திகள் Big Stories சற்றுமுன் உலகம் இந்தியா தமிழ்நாடு அரசியல் ஆன்மீகம் விளையாட்டு வர்த்தகம் சினிமா சென்னை வீடியோ கல்வி தொழில்நுட்பம் சுற்றுச்சூழல் ஆரோக்கியம்

Advertisement
இந்தியா

சிஸ்டர் அபயா கொலை வழக்கு- 28 ஆண்டுகளுக்குப் பிறகு நீதி!

Dec 23, 2020 03:53:48 PM

கேரளாவை உலுக்கிய சிஸ்டர் அபயா கொலை வழக்கில் குற்றவாளிகள் என அறிவிக்கப்பட்ட பாதிரியார் தாமஸ் கோட்டூருக்கு இரட்டை ஆயுள் தண்டனையும், சிஸ்டர் செபிக்கு ஆயுள் தண்டனையும் விதிக்கப்பட்டுள்ளது. 

28 ஆண்டுகளாக நடந்து வந்த சிஸ்டர் அபயா கொலை வழக்கில் திருவனந்தபுரம் சிபிஐ சிறப்பு நீதிமன்றம் நேற்று பாதிரியார் தாமஸ் கோட்டூரும், கன்னியாஸ்த்ரி செபியும் குற்றவாளிகள் என தீர்ப்பளித்தது. அதன் தொடர்ச்சியாக இன்று அவர்களுக்கான தண்டனைகளை நீதிபதி அறிவித்தார். அதன்படி இரண்டு குற்றவாளிகளில் ஒருவரான பாதர் தாமஸ் கோட்டூருக்கு இரட்டை ஆயுளும், சிஸ்டர் செபிக்கு ஆயுள் தண்டனயைம் விதிக்கப்பட்டுள்ளது. இருவரும் தலா 5 லட்சம் ரூபாய் அபராதம் விதிக்கவும் நீதிபதி உத்தரவிட்டார்.

தீர்ப்பு வாசிக்கப்படுவதற்கு முன்னதாக நீதிமன்றத்தில் வாதம் நடந்தது. அப்போது இந்த இருவரும் செய்தது கொலைக்குற்றம் என்பதால் மரணதண்டனை வழங்குமாறு அரசு தரப்பில் வாதிடப்பட்டது.ஆனால் இது திட்டமிடப்பட்ட ஒரு கொலை அல்ல என்பதால் ஆயுள் தண்டனை விதிக்கப்படுவதாக நீதிபதி தெரிவித்தார்.

கடந்த 1992 ஆம் ஆண்டு மார்ச் 27 ஆம் தேதி கேரள மாநிலம் கோட்டயத்தில் உள்ள புனித பயஸ் கான்வென்ட் கிணற்றில் 21 வயதான சிஸ்டர் அபயாவின் உடல் மிதந்தது. அது தொடர்பான வழக்கை முதலில் விசாரித்த குற்றப்புலனாய்வு போலீசார், அபயா தற்கொலை செய்து கொண்டதாக கூறி விசாரணையை முடித்தனர்.

அதற்கு பொதுமக்கள் மத்தியில் எழுந்த எதிர்ப்பை அடுத்து சிபிஐ விசாரணைக்கு உத்தரவிடப்பட்டது. முதலில் விசாரணை நடத்திய சிபிஐ அதிகாரிகளும் தற்கொலை என்ற முடிவுக்கே வந்தனர். அதன்பின்னர் வழக்கை கையில் எடுத்த சிபிஐயின் வேறு ஒரு விசாரணை குழு, அபயா கொலை செய்யப்பட்டார் என்ற முடிவுக்கு வந்தது. கொலை தொடர்பாக பாதர் தாமஸ் கோட்டூர், பாதர் ஜோஸ் பூத்துருகையில், சிஸ்டர் செபி ஆகியோர் மீது 2008 ல் வழக்கு பதிவாகி கைது செய்யப்பட்டனர். பின்னர் ஆதாரம் இல்லை என கூறி பாதர் ஜோசை வழக்கில் இருந்து சிபிஐ சிறப்பு நீதிமன்றம் விடுவித்தது.

பாதர் தாமஸ் கோட்டூர், சிஸ்டர் செபி ஆகியோரும் தங்களை வழக்கில் இருந்து விடுவிக்க வேண்டும் என தாக்கலான மனுக்களை கேரள உயர் நீதிமன்றமும், உச்ச நீதிமன்றமும் நிராகரித்து விட்ட நிலையில், சிபிஐ சிறப்பு நீதிமன்றம் தீர்ப்பை வழங்கி தண்டனையை அறிவித்துள்ளது.

பாதர் தாமஸ் கோட்டரூக்கும் சிஸ்டர் செபிக்கும் இடையே இருந்த முறையற்ற உறவை பார்த்து விட்டதால் இந்த இருவரும் அபயாவை கோடாரியால் தாக்கி கிணற்றில் தள்ளினர். அதில் பம்ப் செட்டில் தலை மோதிய அவர் நீரில் விழுந்து இறந்தார். இந்த சம்பவத்தை அங்கு திருட வந்த ஒரு நபர் நேரில் கண்டு அளித்த சாட்சி இந்த வழக்கில் முக்கிய திருப்புமுனையானது.


Advertisement
மணிப்பூரில் மீண்டும் பதற்றமான சூழல்... கடத்திச் செல்லப்பட்ட 3 பெண்கள், 3 குழந்தைகளைத் தேடும் பணி தீவிரம்
ஒடிசாவில் இருந்து கர்நாடகத்திற்கு 23 வன உயிரினங்களை காரில் கடத்தி வந்த 3 பேர் கைது
திருப்பதியில் வி.ஐ.பி.தரிசன டிக்கெட் வழங்கும் ஸ்ரீவாணி தரிசன டிக்கெட் மையம் திறப்பு
இரவு முதல் தொடர் மழை - பல இடங்களில் பெருக்கெடுத்த தண்ணீர்..
வளர்ந்த இந்தியாவை உருவாக்க இளைஞர்கள் அதிகாரம் பெற வேண்டும் - பிரதமர் மோடி
பா.ஜ.க.வில் உள்ள கறைபடிந்த நபர்கள் மீது நடவடிக்கை - நிதின் கட்கரி வலியுறுத்தல்
பழங்குடியினர் இடையே மோதலை ஏற்படுத்துவதே காங்கிரஸ் கொள்கை - மோடி
பூட்டிய வீட்டின் தகரகூரையை துளைத்துக் கொண்டு வந்த தோட்டாவை போலீஸில் ஒப்படைப்பு..
சிம் கார்டே இல்லாமல் ஃபோன் பேசும் வசதி : பி.எஸ்.என்.எல் புதிய திட்டம்..
ஜம்மு காஷ்மீர் சட்டசபையில் 3ஆவது நாளாக நீடிக்கும் அமளி..

Advertisement
Posted Nov 14, 2024 in சென்னை,Big Stories,

எலிக்கு வைத்த மருந்து.. இரு குழந்தைகள் பலி.. பெஸ்ட் கண்ட்ரோல் செய்தது சரியா? வங்கி மேலாளார் வீட்டில் நடந்தது என்ன ?

Posted Nov 14, 2024 in தமிழ்நாடு,வீடியோ,Big Stories,

ஒற்றை மனிதனும் 100 ஏக்கர் காடும் 1 லட்சம் அரிய வகை மரங்கள் 240 பறவை இனங்களின் வாழ்விடம்

Posted Nov 14, 2024 in வீடியோ,சென்னை,Big Stories,

“எங்க அம்மாவுக்கு சரியாக ட்ரீட்மெண்ட் கொடுக்கலை அதான் கத்தியால குத்தினேன்”..! கலக்கத்தில் அரசு மருத்துவர்கள்

Posted Nov 13, 2024 in தமிழ்நாடு,வீடியோ,Big Stories,

சன்னியாச வாழ்க்கையில் இருந்து சம்சார வாழ்க்கைக்கு திரும்பிய ஆதீனத்தை விரட்டிய மக்கள்..! சூரியனார்கோயில் மடத்துக்கு பூட்டு..

Posted Nov 12, 2024 in தமிழ்நாடு,வீடியோ,Big Stories,

மாணவிகளுக்கு பாலியல் கொடுமை.. பள்ளி நிர்வாகிகளுக்கு நெஞ்சுவலியாம்.. மருத்துவமனையில் படுத்துக் கொண்டனர்..! போக்சோவில் கைதானவர்கள் “லைவ் ஆக்டிங்”


Advertisement