இந்திய ராணுவத்தின் முப்படைகளிலும் பணியாற்றிய ஒரே ராணுவவீரரான கர்னல் பிரதிப்பால் சிங் கில் Colonel Prithipal Singh Gill தனது 100வது பிறந்தநாளை கொண்டாடியுள்ளார்.
பஞ்சாப் மாநிலம் பரித்காட்டைச்(Faridkot) சேர்ந்த இவர் இரண்டாம் உலகப்போருக்கு முன்பாக ராயல் இந்திய விமானப்படையில் விமானியாகத் தன் பணியைத் தொடங்கியவர்.
பின்னர் இந்திய கடற்படையிலும், தரைப்படையிலும் பணியாற்றி 1965ஆம் ஆண்டு நடந்த இந்திய - பாகிஸ்தான் போரிலும் பங்காற்றியுள்ளார்.
இருதினங்களுக்கு முன்பாகத் தனது 100வது பிறந்தநாளைக் கொண்டாடிய இவருக்கு பஞ்சாப் முதல்வரான கேப்டன் அம்ரீந்தர் சிங் உள்ளிட்ட பலர் வாழ்த்து தெரிவித்தனர்.