அமெரிக்காவின் கலிபோர்னியாவில் மீண்டும் பற்றி எரியும் காட்டுத் தீ

அமெரிக்காவின் கலிபோர்னியாவில் மீண்டும் ஏற்பட்ட காட்டுத் தீயில் சிக்கி இரு தீயணைப்பு வீரர்கள் காயமடைந்தனர்.

சில்வரடோ பள்ளத்தாக்கில் சுமார் 4 ஆயிரம் ஏக்கரில் பற்றி எரியும் காட்டுத் தீயால் அப்பகுதி முழுவதும் புகை மண்டலமாகக் காட்சியளிக்கிறது.

தொடர்ந்து எரியும் நெருப்பை அணைக்க விமானத்தின் உதவி கோரப்பட்டுள்ளது. தீ பரவி வருவதால், முன்னெச்சரிக்கையாக அப்பகுதியில் 50 ஆயிரம் வீடுகளுக்கு மின்சாரம் தடை பட்டுள்ளது.

ஆங்காங்கே பற்றி எரியும் நெருப்பை அணைக்கும் பணியில் 500க்கும் மேற்பட்ட தீயணைப்பு வீரர்கள் ஈடுபட்டுள்ளனர்.

இவர்களில் இருவர் காயமடைந்துள்ளதாகத் தகவல் வெளியாகி உள்ளது.