கொரோனா தொற்றில் இருந்து மீண்டார் நடிகர் சிரஞ்சீவி

தெலுங்கு திரைப்பட நடிகர் சிரஞ்சீவி, கொரோனா தொற்று பாதிப்பில் இருந்து மீண்டுள்ளார்.

கடந்த 10ம் தேதி சிரஞ்சீவிக்கு நோய்த்தொற்று உறுதி செய்யப்பட்டதை அடுத்து, அவர் வீட்டிலேயே தன்னை தனிமைப்படுத்திக் கொண்டார். இந்நிலையில், 3 பேர் கொண்ட மருத்துவக் குழு மேற்கொண்ட பரிசோதனையின் முடிவில், அவருக்கு நோய்த்தொற்று இல்லை என தெரியவந்துள்ளது.

மேலும், பிசிஆர் கருவியின் தவறான முடிவால், தனக்கு கொரோனா தொற்று இருப்பதாக கூறப்பட்டதாக, சிரஞ்சீவி தனது ட்விட்டர் பதிவில் தெரிவித்துள்ளார்.