பிரான்சில் இருந்து மேலும் 3 ரபேல் போர் விமானங்கள், நாளை இந்தியா வர உள்ளன.
விமானப்படையை வலுப்படுத்தும் நோக்கில் 36 ரபேல் விமானங்களை வாங்குவதற்காக மேற்கொள்ளப்பட்ட ஒப்பந்தத்தின் படி, கடந்த செப்டம்பர் மாதம் முதற்கட்டமாக 5 விமானங்கள் இந்தியா வந்தடைந்தன.
இரண்டாம் கட்டமாக, பிரான்சின் இஸ்ட்ரெஸிலிருந்து 3 ரபேல் விமானங்கள் இடைநிற்றல் இல்லாமல், 8 மணி நேரத்திற்கும் அதிகமான பயணத்தின் மூலம் நேரடியாக நாளை ஜாம்நகரை வந்தடைய உள்ளன.
அடுத்த ஆண்டு இறுதிக்குள் அனைத்து விமானங்களும் இந்தியா வந்தடையும் என, இந்திய விமானப்படை தரப்பில் தெரிவிக்கப்பட்டு உள்ளது.