தசரா விழாவில் ராவணனின் உருவ பொம்மை எரிக்கும் நிகழ்ச்சி இந்த ஆண்டு கொரோனாவால் களையிழந்து காணப்படுகிறது.
ராவணன் உருவங்களை தயாரிக்கும் கைவினைக்கலைஞர்கள் கடைவிரித்தேன் கொள்வாரில்லை என்று வேதனை தெரிவிக்கின்றனர்.
ஆண்டுதோறும் கிராமங்கள் முதல் நகரங்கள் வரை நூற்றுக்கணக்கான ராவணன் பொம்மைகள் எரிக்கப்படுவது வழக்கம்.
இந்த ஆண்டு கொரோனா பாதிப்பு காரணமாக அதிகமான கூட்டம் கூடுவதற்கு கட்டுப்பாடுகள் அமலில் உள்ளன.
இதனால் பல இடங்களில் நிகழ்ச்சிகள் ரத்து செய்யப்பட்டதால் பொம்மை தயாரிக்கும் கலைஞர்கள் நலிவடைந்து காணப்படுகின்றனர்.